Finland Resident Permit လျှောက်ဖို့ Show Money ဘယ်လောက်လိုအပ်မလဲ။

 လာမဲ့နိုဝင်ဘာလမှစပီး Resident Permit အတွက် တလဝင်ငွေလိုအပ်ချက်ကိုမြှင့်တင်တော့မှာဖြစ်ကြောင်းသိရပါတယ်။ ယခုဥပဒေပြင်ဆင်သတ်မှတ်ချက်အသစ်သည် 2024 ခုနစ် နိုဝင်ဘာလ 1 ရက်နေ့ မှစပီး အသက်ဝင်မယ်လို့သိရှိရပါတယ်။ 

အကြောင်းပြချက်ကတော့ ယခင်သတ်မှတ်ထားတဲ့ ဝင်ငွေလိုအပ်ချက်ဟာ ယခုလူနေမှုစရိတ်ကိုမကာမိဘူးလို့ယူဆလို့ပြောင်းလဲရတာဖြစ်တယ်လို့ပြောထားတာကိုတွေ့ရပါတယ်။ ပြီးတော့ ခုလိုဝင်ငွေသတ်မှတ်ချက်ကို နှစ်စဉ်နှစ်တိုင်းပြန်လည်သုံးသပ်သွားမှာဖြစ်တယ်လို့လည်းသိရပါတယ်။

 နောက်ပီးအခုလိုပြောင်းလဲလိုက်တာဟာ  ဖင်လန်လူမှုဖူလုံရေးအဖွဲ့အစည်း (Kela) မှ 2023 ခုနစ် ပျမ်းမျှအသုံးစရိတ်နှင့် ဝင်ငွေဆိုင်ရာ စာရင်းဇယားများကိုအခြေခံပီး ပြုလုပ်ထားတာဖြစ်တယ်လို့လည်းသိရှိရပါတယ်။ 

ကျောင်းသားတွေအတွက် တလကို €800 သတ်မှတ်လိုက်တဲ့အတွက် လာမဲ့ နိုဝင်ဘာလ ၁ရက်နေ့ နောက်ပိုင်းလျှောက်တဲ့သူတွေ တနှစ်ကို  €9600  show money ပြရတော့မှာဖြစ်ပါတယ်။ 

ပြောင်းလဲလိုက်တဲ့ rule အသစ်အရ Finland Resident Permit လျှောက်ဖို့ ကျောင်းသားတစ်ဦး၊ မိသားစု အလိုက် စသဖြင့် Show Money ဘယ်လောက်လိုအပ်မယ်ဆိုတာကို သေချာတွက်ပြပေးပါလို့မေးလာကြတဲ့အတွက် အသေးစိတ် တွက်ပြထားတာဖြစ်ပါတယ်။ 

ကျောင်းသားတစ်ဦးတနှစ်စာပြရန် -  €800/month =  €9600/year ဖြစ်ပါတယ်။ 

ခင်ပွန်း သို့မဟုတ် ဇနီး တပါတည်းခေါ်မည်ဆိုပါက - €610/month = €7320 ဖြစ်ပါတယ်။ 

ဒါကြောင့် လင်မယားနှစ်ယောက် အတူလျှောက်မယ်ဆိုပါက တနှစ်စာ € 16920 show money ပြဖို့လိုအပ်မှာဖြစ်ပါတယ်။

 တကယ်လို့ ကလေးရှိလို့ ကလေးပါအတူလျှောက်မယ်ဆိုရင် ကလေးတဦးအတွက် €610/month နဲ့တွက်ရမှာဖြစ်ပီးတော့ တနှစ်စာ €7320 ဖြစ်ပါတယ်။ 

ဒါဆိုရင် မိသားစုသုံးယောက်အတူလျှောက်မယ်ဆိုပါက တနှစ်စာ show money က €24240 ဖြစ်ပါတယ်။ 

တကယ်လို့ကလေးနှစ်ယောက်ဆိုပါက ဒုတိယ ကလေးအတွက် €480/month နဲ့တွက်ရမှာဖြစ်ပီးတော့ တနှစ်စာ €5760 ဖြစ်ပါတယ်။ 

 ဒါဆိုရင် မိသားစုလေးယောက်အတူလျှောက်မယ်ဆိုပါက တနှစ်စာ show money က €30000 ဖြစ်ပါတယ်။ 

စာရင်းချုပ်ရရင် 

1. ကျောင်းသားတဦး         €9600/year
2. ခင်ပွန်း သို့မဟုတ် ဇနီး    €7320/year
3. ပထမကလေး    €7320/year
4. ဒုတိယကလေး    €5760/year 
5. တတိယကလေး    €4320/year
6. စတုတ္ထကလေး    €4320/year 

အားလုံးအဆင်ပြေကြပါစေ။

written by 𝐘𝐨𝐮𝐫 𝐦𝐢𝐠𝐫𝐚𝐭𝐢𝐨𝐧 𝐠𝐮𝐢𝐝𝐞 𝐭𝐨 𝐅𝐢𝐧𝐥𝐚𝐧𝐝

https://www.facebook.com/share/p/bAjwWm6Nu7AaYsL8/